Si èl téi di « a » son mari téi di « b » épi çl téi di »sé » ziska dézord lé pa lwin pou pété mé l’afèr téi sava pa tro loin ; mi rapèl mèm koman l’afèr téi arète san komanssé.

Mwin téi oi lé shoz konmsa san tro alé o fon pars la plipar d’tan lo mari l’avé in réponss tout-fète é kan lé shoz téi agrav in pé, olèrk gomé pars l’avé pwin pli o k’sa pou fé, li téi di : « Sisya !-sa té lo nom son madam — sa in komansman dézord sa ! »

Aprésa dizon lo bagar té fini san komanssé é mon papa téi di kékshoz mwin té i konpran pa. Li téi di : « Sa sé in manyèr pou rabiboshé ! ». Finalman lo dispite té fé éksopré pou zot rékonssilyé é mon papa téi di souvan, bann moune-la lé passifik sa.

Alé ! Mi souète zot i rofléshi la dsi é ni retrouv pli dvan, sipétadyé.

Justin