In kozman pou la rout

« Sa in moun i manz zaran èk bonbon koko »

7 avril 2016, sanm Justin

Kosa sa i vé dir ankor ? Moin lé a d’mandé. Poitan si ni kallkil bien : zaran sa lé salé é bonbon koko, sa lé dou. Donk sa sé in moun i manz lo sikré avèk lo salé, inn konm l’ot, inn avèk l’ot. Souvan dé foi dann kozman kréol in kozman konmsa i ansèrv dann in sèrtin sans. Lo sans ké mi oi , pars moin la lir sa dann liv Daniel Honoré épi dann d’ot ankor, sa i vé dir lo moun, dann son rolasyon partikilyé, i triy pa. Donk zot i konpran sa in moun i lès ali tanté par l’uil tantan-konm Madoré i di dann inn son shanté. A park’sa mi oi pa d’ot ka pou tiliz kozman-la. Bon ! ni artrouv domin avèk in n’ot kozman.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus