Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mi rapèl kozman-la(in patoi konm téi di dann tan) sa néna lontan é pou dir la vérité li romonte in bonpé. Sirtou dann tan-la-lo tan Yéyé-bande garsson épi bande fiye téi abiye zoliman. Antouléka zot téi oi sa konmsa é ète sinp lété kaziman in vilin défo.

Aprésa lo tan la passé. La pi fé dantèl poul’instan mé d’ote dantèl l’arivé pars sa lé konmsa. In dantèl i ariv, in n’ote i par. Konm in mode i par épi in n’ote i ariv. La vi lé konmsa é nou lé dann in vré tourbiyon.

Alé ! Mi kite azot rofléshi la dsi é ni rotrouv pli d’van, sipétadyé.