Mézami, mi panss zot la fine romarké nou kréol ni yèm bien manyé l’imour noir. Mi panss konm la plipar rantre nou la pèr la mor, l’imour noir sé in fasson pou nou d’koz lézèrman in n’afèr ni pé pa s’an passé é final de konte va ranporte la viktoir dsi nou.

Sé konmsa ni di demoune la fine pass l’ote koté, sansa la fash avèk dori, osinonsa do pin, l’aval zot kuiyèr… la parti koté d’tanto la parti dann roiyome vante-an-l’èr. étsétéri-étsétéra. Boudikonte néna in bonpé fasson dir sa é zot léktèr noute zoinal konm zot lé kalifyé dann kréol la pa mwin v’amontr azot dé shoz zot i koné myé k’mwin.

Sé pou sa, mi souète azot kant-mèm pass in bone zourné é ni rotrouv pli d’van, sipétadyé.

Justin