In kréyon déyèr l’orèye, dizon sa i tienbo toussèl é lé pa sak néna d’pli difissil a fèr. Dizon lo kréyon sé par la k’i komanss épi lo travaye pou vréman li vien apré é sé lo travaye k’i fo konète fèr.

Kan wi fé in n’afèr, li pé ète fassil a fèr, mé li pé ète galman difissil pars li domann inn pratik.. Inn pratik wi doi aprann a fèr avèk bann moune i fé lo métyé. Pars boudikont pou fèr in lobzé i fo in moune l’amontr aou : kissoi in ménuizyé, kissoi in soudèr, kissoi in tayèr la pyèr. Antouléka i fo in proféssionèl pou amontr son métyé lé zot é pou k’lé zot i dovien bann moune de l’art.

Amwinss ou sé in Michel Morin é wi gingn fèr in pé toute métyé. Si i égziss in bonpé sa La Rényon é tanmyé pou sak i gingn fé toussala.

Alé ! Mi kite azot rofléshir la dsi é ni retrouv pli dvan, sipéyadyé.

Justin