Oté

« Sa la pèrd la band sa ! »

In kozman pou la rout

Justin / 17 zanvié 2020

JPEG - 43.6 ko

Médam, Mésyé, La Sosyété, koz èk moin sé koz èk in kouyon-mé sé o pyé d’lo mir k’i oi lo mason. Zot i koné in n’afèr, kan nou lété pti nou lété nonbré é papa –momon téi pass lo tan pou konté arkonté pou oir si inn rant nou l’avé pa pèrd- si inn rant nou l’avé pa pèrd la bann. Sirtou dan la mèr, mon dé paran téi pass lo tan pou konté. A s’ki prétan in bonpé d’moun téi fé konmsa é mi pans dan bann nouvo zénérasyon néna ankor k’i kontinyé fé konmsa. Pou koué ? Pars in marmaye,la poin arien i défil an zourité konmsa.Kan ou i kroi li lé la, alé oir li lé pi la. Kan ou i pans li tienbo la rob out madam, sé l’èr ksé in not marmaye étranz k’i suiv out madam épi out zanfan lé pèrdi sépa ousa dann milyé in ta d’moun. Alé ! Mi kite azot rofléshi la dsi é sirtou alé pa pèrd zot bann. Ni artrouv pli d’van, sipétadyé !