Mézami zot i koné, souvan défoi in mo sansa in lékspréssion i vé dir kékshoz é toudinkou li shanj do sanss. Sé konmsa ké danzéré la sorte in sanss i vé dir « néna danzé » pou ariv in sanss « bien gayar », mèm « tèlman gayar » k’i étone amwin ziska.

An franssé néna lo mo « formidable ». In tan sa téi vé dir « k’ inspir la térèr » é koméla sa néna lo sanss ni koné.

Si mi di avèk ou : ou lé danzéré ! Sa i vé pa dir ou sé in danzé pou mwin, mé plito ké mi apréssyé aou pou sak ou i lé.

Alé ! mi kite azot rofléshir la dsi é ni rotrouv pli dvan, sipétadyé.

Justin