A biensir, konm touzour dann nout lang kréol épi son lékspréssion souvan dé foi ni koz an parbol pars konm Alain Peters i di, nou lé parabolèr é sa lé bien vré kan wi antann kréol kozé.

M’a dir azot in n’afèr ? La pa promyèr foi mi tonb dsi kozman-la é shak foi mi domann amwij kossa sa i vé dir égzaktoman… ; Biensir na pwinn komine é na pwinn gouvèrnman, mé néna in moune apré s’plinn néna kélk’in i kass son trankilité, i anpèsh ali amenn son vi konm sa i plé ali.

An mèm tan li vé pa dir fransh vérité sak la éspassé pou vréman é sèl zafèr li vé dir sé k’sète afèr la i arète. Pétète li di pa klèrman kissa k’i lé é kossa k’i fé pou strèss ali konmsa. mésak lé sir sé ké li lé préssé k’lannuiyèr avèk son l’annuiman i arète.

Astèr mikite azot rofléshir dsi in sityassion konmsa é kossa k’zot noré fé si zot té pri ladan é ni retrouv pli dvan sipétadyé.

Justin