Médam zé Méssyé, La sosyété, koz èk mwin sé koz èk in kouyon mé sé o pyé d’lo mir k’i oi lo masson. Mézami, souvan défoi néna d’moun k‘i agass aou. Pou kossa ? Par lo bann tik li néna, sansa par son bann parol épi zot répétisyon. Pé s’fèr ossi sé la vantardiz wi dovine dann lo moun osinonsa in n’ot défo. Mé a bien oir, a bien kalkilé sak ou i yèm pas shé l’moun sé sak néna dan ou : tik ? Ou néna ossi. Répétissyon d’parol, ou lé pa égzan ou non pli. Vantardri ! Sa la pa out péshé mignon ? Pou koué i agass aou, alor ? Pars ou i koné out poin fèb é wi pans sa sé in n’afèr i fo évité. Wi ésèy gonm out défo, mé wi ariv pa touour é lo moun final de kont konm li é in pé konm ou mèm, li déranj aou. Pli pir wi tonm dopi Charibde ziska Scylla-lo kapitol lé zis koté la rosh tarpéÏènne. Donk sak wi yèm pa dan lé zot sé sak néna shé ou mèm, sansa ou lé riskab an avoir shé ou. Alé ! Mi kite aou rofléshi la dsi é ni artrouv pli d’van. Sipétadyé.