Oté

« Sak i antan in klosh i antan in son »

In kozman pou la rout

Justin / 21 mars 2020

JPEG - 43.6 ko

Mésyé, Médam, La Sosyété koz èk moin sé koz èk in kouyon, mé sé o pyé d’lo mir k’i oi lo mason. Zordi ni parl dsi lo kozman moin la mark an-o la é la pa initil solon moin. Pars lé vré in tan l’avé in radio, in télé, é banna téi raport touzour lo poinn-vizé ofisyèl donk kolonyal. Zot l’avé zot parti pri é sak téi pans pa konm zot lo bèk té také-é sak té pa kontan, li l’avé ka pran konstan. Aprésa, banna la mète lo pliralité konm I di : plizyèr klosh pou done plizyèr son. Mé antansyon, ni vé ni vé pa, bann gran médya i roflète ankor épi touzour lo poinn vizé ofisyèl, donk lo poinn vizé dominan. Sé pou sa, malgré lo pliralité bann sours linformasyon, moin sré tanté pou dir zot té i done lo mèm linformsyon avèk lo mèm linterprétasyon. Tanka lé z’ot, si zot i di pa lo mèm zafèr in pé i pé di sé in falknew-zistoir mantèr. Alé ! Mi kite azot rofléshi la dsi é ni artrouv pli d’van. Sipétadyé.