Mézami zot i koné dan la vi lé pa fassil ète sir d’in n’afèr. Mwin la fine anparl azot in provèrb antiyé k’i di konmsa : « kroi la moityé sak ou la vi, kroi pa sak le moune la raporté ». Alor, zot i oi bien, sa i sava in pé dann sans sak mwin la marke an-o la.

Souvan défoi wi antand : intèl la fé sa, la fé la, la pa fé si, la pa fé la. M’a dir azot franshman, kan zot té pti, souvan défoi zot l’avé poin linpréssyon i akiz azot a tor ? Mwin oui é pa arienk in foi. Arzoute èk sa kan ou lé pti ou néna lo sans la zistis épi linzistis é sa i arète in vi dann oute tète-a mortifyé aou vèye pa koman si linzistis lé tro for.

Alé, mèm si zot lé gran, rofléshi bien sak mi sorte di é mi pans sa va ansèrv azot dan la vi. Alé ! ni artrouv pli d’van. Sipétadyé.

Justin