Médam zé Méssyé, la sossyété, koz èk moin sé koz avèk in kouyon mé sé o pyé d’lo mir k’i wa lo masson.

Mézami mi yème bien demoune I yème aprann. Zot bonbon koko sé la konéssans é Ié pa a dir, sa i konte dan la vi mé solman kossa wi fé avèk sa, kan out koko lé blindé avèk la konéssans. Ou i roblinde ali ankor ? Va vèrss atèr mon ami.

Momandoné i fo wi fé kékshoz avèk out konéssans. Pars fitintan l’avé d’moune té batizé létèrnèl étidyan, In sityassion lé pa fé pou diré mé ki dire pliss k’i an fo. Kossa wi pé fé avèk toussala ?

Wi pé fé in boulo, wi fé pa ! Wi pé ankor travaye pou shanj la sossyété é wi fé pa ! Wi pé ède sak I koné pa, mé wi fé pa ! In pé mèm i travaye dann la gloir Bondyé é wi fé pa sa nonpli.

An touléka, lé rar wi pass in vi a aprann pou arien ditou – i di galman pou dobèr, mé i pé di pou la po d’patate – mé pétète sa i plé aou é si i plé aou i rogarde pa mwin.

Alé ! Mi kite azot rofléshi la dsi é ni artrouv pli d’van. Sipétadyé.