Médam zé Mésyé, la sosyété, koz èk moin sé koz èk in kouyon, mé sé o pyé d’lo mir k’i oi lo bon mason. Mézami, zot I koné demoun lé konmsa : néna sak la poin arien épi i done tout é sirtou k’I atann pa domin é néna sak néna asé pou li é li done pa arien an atandan li nora plis domin. Kosa k’I éspass ? Sak I done I kontinyé done, é sak I done pa i kontinyé pa doné. Mi koné d’moun lé dé kalité é mi kashré mon santiman si mi di azot rant lé dé mi gingn pa shoizi. Promyé kalité néna bon kèr é sa sé in bon manyèr viv. Dézyèm kalité lé pirate pou d’bon é sé zot fason konport azot dan la vi. Alé ! Mi kite azot shoizi zot kan é ni artrouv pli d’van. Sipétadyé.