In kozman pou la rout

« Sak i bate tanbour, la pa li k’i dans ! »

3 décembre 2016, par Justin

Zot i koné tanbour koman i lé ? Li lé asé gro épi li lé ankonbran. Donk lo tanbouryé, si li gingn bouz in pti pé, la pa li pou fé in bon dansé. Sans prop ? La pa bézoin ni fé in pla avèk sa. Mé sans figiré ? Pou moin sa i vé dir kan ou nana in rol pou zoué, zoué out rol, la pa bézoin ou i sar zoué sète out kamarad. Dann la lang fransé i di pa : « Shakinn son métyé é bann vash sar bien gardé » ? Pars a fors débord dsi lo rol lé z’ot lé riskab ariv in dézagréman ou la pa prévi. Mé moin la antann souvan i fo ou i amenn loto pou ou épi pou out kamarad. Alors, sa i sava pa dann mèm sans ké sak moin la ékri an-o la. Pli pir, si ou i fé zis sak ou i doi fèr, san zète in zyé dsi sak out kamarad i fé pétète li fé pa pars nana in mové l’antant. Boudikont i pé ariv in mové rézilta. Alé ! Mi éstop tèrla, é ni artrouv pli loin sipétadyé.

A la Une de l’actu

Signaler un contenu

Un message, un commentaire ?


Témoignages - 80e année


+ Lus