Mézami zot i oi kozman mwin la marke an-o la, dopi lontan mi koné sa, mé mwin la fine domande amwin kossa li vé dir san z’ète sirésèrtin. Mi oi bien i parl batèr tanbour épi danssèr, konmsi néna in kontradikssyon rante inn é l’ote. Lo batèr tanbour i komande la danss é lo danssèr li suiv lo tinmpo-tanpir pou li.

Zordi mi propoz azot in sanss figuiré é oila kossa mi trouv pou propozé : néna sak i komande é sak i égzékite, lo kolonbe épi lo zoinalyé.. Sak i komande li koné bien komandé, mé li tienbo pa konte la difikilté pou l’égzékitan. In rapor dominan-dominé, oila pou mwin dann kèl rolassion inn é l’ote i lé.

Alé ! mi kite azot rofléshi la dsi, é ni rotrouv pli d’van, sipétadyé.

Justin