Mézami, oila in provèrb i pass dovan mwin dopi in sèrtin tan déza, mé mwin téi konpran pa tro bien kossa li téi vé dir.

Astèr mi kroi lé in pé konm : « sak i done la rou i ral pa sharète ». Pou koi mi kroi sa ? Pars bate tanbour mèm an vitèss sa lé fézab san tro forssé mé danss dossi lo son tanbour, lé pa lo même zafèr. Mi panss lé bokou pli dir.

Konm lé fassil kozé ; lé fassil di : « fé ! fé ! fé ! » mé fèr sé in n’ote afèr. Fèr avèk dir la pa parèye.

Alé ! mi kite azot rofléshi la dsu é ni rotrouv pli d’van. Sipétadyé.

Justin