Médame, zé Méssyé la sossyété koze èk mwin sé koze èk in kouyon, mé sé o pyé d’lo mir k’i oi lo masson.

Mézami mi sorte lir in kozman k’i di konmsa dann liv somi-lo mo Daniel Honoré la ékri. Kozman-la i di konmsa : « Sak i bate tanbour, la pa li k’i danss ! ». Sanm pou mwin lé dé kozman i vé dir lo même zafère. Pa sanss prope bien sir pars shakinn i travaye avèk son prope matéryèl, mé dann sanss figuiré. Ala koman mi oi sa : wi done la rou, donk wi ankouraz lo bèf pou forssé épi tire la sharète dann rédiyon, wi bate tanbour pou fé danss demoune mé sé l’moune i danss la pa ou, sé ou k’i done lo tritme é lo danssère lé konm oblizé suiv... Alor mézami, mon bande dalon, alon méfyé sak i angante aou pou fé in n’afère mé i fé pa par zote mèm. Alor, oi zot mèm.

Mi kite azot rofléshi la dsi é ni artrouv pli d’van. Sipétadyé.