Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« Sak i done la rou i ral pa sharète ! »

In kozman pou la route

lindi 3 octob 2022, sanm Justin


Médame zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.


Mézami kossa i lé o — fon done la rou ? La plipar d’tan kan la rou d’sharète i anfons dan la bou, déssèrtènn pèrsone i ède lo sharète pou sorte dann la tablatir. Donk li done la rou : in sinp kou d’min, mé konte pa dsi li pou féfé lo sharète in gran déplasman. Mé antansyon pa li toussèl i ède lo sharète pou sorte dann lanboulkidi. Li done la rou sinploman é si possib li ède shoval sansa bèf pou sorte dann lanbara momandoné.

Néna in n’ot kozman k’i di konmsa : « lo konséyèr la pa lo péyèr ! » é sa i vé dir néna in pé lé bon pou la blag mé pa bon pou amenn in bon rézilta é sirtou li pran a okin risk. Li di, alon fé mé li fé pa.

Sé pou sa, mi kite azot pou rofléshi la dsu é ni artrouv pli d’van. Sipétadyé.

Justin


Inn modékri, inn ti lavi, inn komantèr ?

signaler contenu

Plan


Facebook Twitter Linkedin Google plus