Lontan demoun téi moud mayi dann in mèl-an-pyèr. Kan l’até fine moud mayi, té i avane ali – té i triy avèk la vane. L’èr-la té i gingn plizyèr farine, san konté la zèl biensir : l’avé mayi dri, l’avé mayi soso, l’avé lo gro-son pou zanimo, é lo pti son pou fé gato. Sanm pou moin sé sa k’i apèl lanmsime. Bate tanbour, sé fé savoir sak ou i fé. Alors kosa i vé dir kozman-la ? Dann « somi-lo mo » Daniel Honoré i di proverb-la i vé dir : « I partaz pa lo méyèr d’sak ou nana ». Donk si ou i fé lanmsime, ou i fé pa dézord, sansa ou sar blizé tro partazé é gato lanmsime sa lé gouté, donk parpiy pa rant tout, gard in pé pou ou.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, dakor rantre nou.