Oté

« Sak i frékant lo roi i fini par trayi son bann dalon »

Kozman pou la rout

Justin / 21 zwiyé 2018

JPEG - 43.6 ko

Akout bien kozman-la : moin lé sir va rapèl anou dé shoz. Mi pé dir azot galman : kaméléon i pran la koulèr lo bransh li la mont dési. Kan ou i frékant demoun la ote, momandoné ou i koz konm k’i fo pou kontant azot é boudikont prolétèr ou i fini par pans konm i pans dan la ote. Si ou i suiv la mode ote koutir, momandoné ou fini par viv épi par pans konm i pans an parmi bann moun-la. Aprésa, kan ou lé anparmi out bann dalon, soi ou i pran pityé pou zot, soi ou i fini par trayi azot. Dovine, dovinaye !.. Alé ! Mi kite azot rofléshi la dsi é ni artrouv pli d’van. Sipétadyé !