Lakey lo sit > Chroniques > Oté
Sak i lèv bonèr i gingn kafé for, sak i lèv tar i boir dolo kafé
In kozman pou la rout
samdi 11 zwiyé 2020
Médam zé méséyé, la sosyété koz èk moin sé koz èk in kouyon mé sé o pyé d’lo mir k’I oi lo mason. Ala ankor I kozman mi pans lé valab. Zot I koné dan la vi néna lo bann lèv-to, épi lo bann lèv-tar. Si ou lé anfamiy, lé riskab kan ou I lèv kafé lé fine koulé.l’èrla soi li lé sho, sansa I fofé shof ali é dann in ka konmsa li pèrd in pé lo gou. Moin, pou mon par, mi profèr kafé shofé suivan lo prinsip mi kontant amoin sak moin la gagné. Koméla lé konmsa mé ansiènman sirtou kan l’avé in paké d’moun dan la famiy, lo promyé sé lo myé sèrvi é sak I vien apré lip ran sak I rèss. Tout fason provik I ranpli out vant, lo rèss kass pa la tète avèk sa. Alé ! Ni artrouv pli d’van. Sipétadyé.