Dann tan moin lété marmaye, mi rapèl moin la trouv in gramoun. Pa in lintéléktyèl konm i di sa, mé mi diré li téi yèm réfléshi dsi son vi, donk dsi la vi. Gramoun-la la di amoin in zour kan li té jenn li l’avé toultan fin zamé li l’vé do koi ranpli son boujaron. Pli tar, kan li té fine vyé manjé li l’avé é tro pou kontant ali, mé li l’avé moins-an-moins fain.L’èrla li di amoin la vi lé konmsa : tazantan ou lé an mank é tazantan ou néna an tro, près zamé néna l’ékilib rant lo mank épi lo tro. Alé ! Mi kite azot rofléshi la dsi é ni artrouv pli d’van. Sipétadyé !