Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« Sak i manz dozèf, i inkyète pa si déyèr poul i fé mal »

In kozman po la route

mardi 16 out 2022, sanm Justin


Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.


Mézami, a s’ki paré provèrb-la sa in provèrb kréol, mé par l’fète mi koné pa oussa li sorte pou vréman. Sak mi koné sé ké si i aplik ali tèlke, wi rande aou konte li néna in valèr zénéral, in losson d’moral si zot i vé. Kissa rante nou té pa kontan trouv in zèf de jone, poitan tazantan poul i mor pou ponde sa.

Ni pé aplik sa dann ka lo prodiktèr i fé in travaye difissil, avèk konsékans dossi son santé. Ni pé dir lo moune i mète in kolyé pèrl li soussyé pa si lo plonjèr la réspèkt bande palyé dékonpréssyon oui sansa non. Ni pé di ankor sak i mète in gayar tee-shirt i inkyète pa si pti marmaye sink-sizan la travaye dann lizine-la épi la lèss son santé.

Alé ! Mi kite azot rofléshi la dsi é ni artrouv pli d’van. Sipétadyé.

Justin


Inn modékri, inn ti lavi, inn komantèr ?

signaler contenu

Plan


Facebook Twitter Linkedin Google plus