Mézami koméla i manz pi mayi sansa par fantézi, mé lontan té par nésséssité. L’èr-la téi tir dann mayi tout sak li pé doné. Biensir néna mayi dori, épi mayi sosso, sa sé lo liks. Mé l’avé ossi ti-son, lanmsime, épi la zèl malorozman dé foi.

Kan l’ariv l’èr pou manz lanmsime téi manz lanmsime é la famiye téi apréssyé pa kan téi ariv konmsa. Mon papa la touzour di amwin kan l’avé pi dori, ni mayi-dori, ni sosso, kan l’èr téi ariv pou manz lanmsime la famiye téi anvouye ali shé son tonton Raoul pli ézé ké zot é kan li téi romonte son kaz lété touzour avèk inn-dé provizyon son tonton l’avé doné pou dé troi zour.

Solidarité rante famiye mé sak téi manz lanmsime téi fé pa dézorde, téi bate pa tanbour pars la famiye té pa loin toush lo fon é té pa loin trape lo zour san - pèrssone téi yèm pa trapé. Alé ! Mi kite azot panss so tan-la é ni rotrouv pli d’van. Sipétadyé.

Justin