Oté

« Sak i oi pa pli loin k’zot bout né »

In kozman pou la rout

Justin / 27 séptanm 2018

JPEG - 43.6 ko

Mi pans, konm moin, zot i koné bien kozman-la é zot i doi an avoir in kantité légzanp dann z’ot tète kan i di sa. Mi pans kant mèm, isi pou désèrtin sa in kalité d’éspor nasyonal. Sirtou dann bann l’androi i pran bann désizyon lé inportan. Néna in bonpé zistoir, si ni vé, pou vréman pou fé lilistrsyon kozman lé marké an-o la : dopi sak i koup in bransh do boi li lé asiz dosi, an pasan par sak la pèr la plui i mouye ali épi i sote dann basinn lo-Gri bouye si mi tronp pa !- ziska sak i rogard lo doi kan lo saz i amontr la line. Fransh vérité i mank pa d’moun konmsa. Alé ! Mi kite azot kass zot koko la dsi é ni artrouv pli d’van. Sipétadyé !