Provèrb-la sa in provèrb komor mé konm in bonpé provèrb, li lé valab mèm an déor lo péi li sort-i pé di son péi dorizine. Pou koué mi di sa ? Pars, moin lé sir l’ariv azot konm l’ariv amoin d’ète pri konm i di rant dé fé, rant dé zami la bril la paye inn avèk l’ot pou in rézon ni koné pa.i pé mèm ariv k’in zamiy la sosyété i konsidèr ali konm in péstiféré : lèr-la, tout demoun i tourn ali lo do é in zami yèr i dovien in z’ènmi zordi. Nou la konète lo tan é pétète tan-la la pankor fini - bann kominis, lété konsidéré konm in bann moun néna la pèst é karéman demoun i port malèr. Konbien foi demoun la tourn anou lo do ? Mèm demoun nou l’avé ède azot dann in sityasion difisil : gran zami la vèye, zènmi landomin… Sinploman pars i gingn pa rézist loprésyon sosyal sansa politik. Alé ! Mi kite azot rofléshi la dsi é ni artrouv pli d’van. Sipétadyé !