Kamarad Paul avèk premié ministr la frans i sort sign dé kontra pou mèt an-lèr : lo tram-trin épi in nouvo rout an kornish. Total-kapital i kont par miliar lëro.

Oté ! Mon bann dalon la-pa-invant-lo tièd, kalkïl in kou !
Sa i sa fé rant nout péi dan la modèrnité, dëmoun nora lë shoi : pran son loto sak i vé pran son loto, pran lo kar sak i vé pran lo kar, pran lo trin sak i vé pran lo trin, pas par an-ba sinon pas par an-lèr.
Kalkil in pë koman dëmoun i sa grouyé, la nuit konm la zourné. Kalkil solman tousa travay i sar donn bann rénioné.

Lé vré, bann vaza l’apré ral lo kèr dëssü in n’afèr konm sa. Lintéré lë péi, lintéré bann lantropriz va énèt, lintéré bann ti-kolon, sa la pa zot afèr, sa. Zot i s’an fou fé prann anou makaroni pou tiyo karoutshou. Zot i oubli, moun vilin nana ankor, moun inbésil na pi.
Nou oi par nou-mèm, kisa k’i travay, kisa i bat la lang soloman.

Justin