Mézami mi sipoz zot ossi tazantan la rotrouv azot dovan lo shoi : fér osinonsa pa fèr. La vi lé plin zokazyon konmsa, plin zokazyon pou mète aou an difikilté. Mèm parfoi ou lé rante demoune i pouss aou pou fé épi sak i pouss aou pou pa fé. Si ou na poin la volonté pou vréman ou lé bien annuiyé.

Pourtan si wi vé fé é si lé pa inpossib, ou va fini par gingn fé. Si wi fé pa, lèr-la konm lo kont i di, i fo wi trouv in léskiz. Valab, pa valab ? I tien d’boute, i tien pa d’boute ? Dir non lé pa tro fassil. Mi rapèl mon défun papa téi di : si mi di aou oui, konte pa tro dsu ; si mi di aou pétète, mark fouti, mé mi di ar pa ou non.

Alé ! mi invite azot rofléshi la dsu, é ni rotrouv pli d’van. Sipétadyé.

Justin