Médam, mésyé, la sosyété, moin lé sir, mi sort di in n’afèr é néna in bonpé moun I pran sa pou larzan kontan. Poitan a bien kalkilé, ni konstate la pa in vérité absoli. I pé di galman moin la réisi par mon prop volonté-moin tousèl si zot i vé. Poitan la plipar d’tan rant in bonpé d’moun néna lo mèm dogré dann la volonté, in pé i réisi, in pé i réisi pa. Sak i réisi, la plipar d’tan li réisi pa tousèl : in pé va di, sak la réisi l’avé in klé sak i réisi pa l’avé poin. In zanfan son famiy lé dann la politik i pé réisi ladan, pli sirman k’in zanfan son famiy lé an déor d’la politik. Lé vré pou in jenn mizisien, lé vré galman pou in zanfann biznèsman. Anon pa anparl lo piston pars si ou néna in piston lé pli fasil pou ou d’pass par in port étroit. Karl zuckerberg i réisi dann son bann biznès mé lé posib li la pa réisi tousèl, li la gingn kou d’min. In jenn i pé ékri in bon liv mé d’apré zot li va gingn fé sort sa dann komèrs ? Pé sfèr ké oui, pé sfèr ké non. Donk azot pou rofléshi : Sak i vé i pé ! Sé a zot de oir si lé vré pou vréman, sansa si lé pa vré. mi kite azot rofléshi la dsi é ni artrouv pli d’van. Sipétadyé !