Si mi tradui sak lo boug i di, mi diré La Rényon lé pa vréman in réjyon dévlopé alé oir Maurice, li, la réissi son dévlopman… Pou ma par mi oi dann lékonomi é dann la sossyété rényonèz mi oi déssèrtin voyan vèr é pa mal voiyan rouz alé oir kan mi rogarde lékonomi épi la sossyété morissienne mi oi bon pé voiyan vèr é anpliss ké sa in sèrtènn koéranss k’i fé anou défo.

Donk Virapoullé i kalkil avan son déssé va vnir inn dé sé zour é li koné pa kan konm nou ossi ni koné pakansa la mor va kongn dsi noute porte mé sa lé normal. Donk li lanss in apèl la nouvèl zénérassion d’droite pou fèr in plan dévlopman késtyonn pèrmète anou fèr la dézyèm parti lo shomin nou la pankor fé.

Si mi di azot in zour mwin la antann Paul Vèrgès apré konm konpar in Rényon avèk Mauricé é mwin la antann kélk’in apré roprosh ali toute son bann propozission pars lété possib sa i amène anou dann shomin Maurice.Alor Paul la di nou noré té konm Maurice é kissa noré fé rogrète anou in parkour konmsa. Noré té pa si mal d’ète konmsa é lo bann zoinalist la rèss kamu kan li la di sa.

Astèr si bann program Paul Vergès la défann dopi noute mo d’ord lotonomi lané 1959 in pé l’avé pa torpiye sa, nou noré té konm Maurice donk késtyonn dévlopman nou noré fé la totalité lo program Virapoullé i anparl zordi. Si ni di sa, i fo ni di ossi sé par bann program Virapoullé la défann ké nou la fé ziska zordi la moityé solman d’lo program li anparl.

A bon antandèr salu !