Oté

« Sak la pa pèr, la poin kouraj non pli »

In kozman pou la rout

Justin / 3 zwin 2020

JPEG - 43.6 ko

Mésyé, médam, la sosyété koz èk moin sé koz èk in kouyon. Mé sé o pyé d’lo mir k’i oi lo bon mason. Mézami, dann nout tour lafrik an provèrb, Zordi ni akost dann la kote d’Ivoire, in gran péi avèk bann gran-gran vil épi in lagrikiltir prospèr. In péi ousa na poin lontan la fé dé zané é dé zané d’guèr. Etone pa zot si la Frans kolonyal la parti mète dézord laba-mi diré pli familyèrman : « fout la mèrd laba ». Pou fé la guèr i fo ou néna kouraz é ou néna la pèr osi souvan dé foi. Métèr d’fé, konm rézistan, komnm fyèrabra, néna in nafèr ou i fé fas souvan dé foi, sa i apèl la pèr é ou la bézoin kouraz pou dépass la pèr. In pé i di out kouraz i pèrmète aou fèr fass la pèr. Amoins ké ou lé drogué a mor-dann la grann guèr 14-18 i di demoun téi boir létèr ziska pou alé anfil azot dsi bayonète, Fransh vérité mi pans pou fé fas la vi toulézour i fo ou néna kouraz épi i fo sirmont la pèr. Donk, si ni vé, kouraz avèk la pèr, sa i marsh ansanm, sa i pé pa détash inn dé ll’ot. Alé ! Mi kite azot tèrla pou alé rofléshi, é ni artrouv pli d’van. Sipétadyé.