Médam, é Mésyé, La sosyété, koz èk moin sé koz èk in kouyon mé sé o pyé d’lo mir k’i oi lo bon mason. Mé zami, mi koné pa si zot lé konm moin, mé moin lé fine avoir pèr é pa arienk in kou akoz dolo. Sak la pankor travèrs in flèv l’afrik dann in bato sircharjé ébin i mank in n’afèr pou son kiltir é sirtou li la mank lokazyon gingn lo trouyomète o maksimom posibin pé i di « a zéro » mé mi pans lé pa konmsa k’i doi di sami diré plito o maksimome. Sa sé in n’afèr pars lé vré tazantan néna in pé i sha dedan é pèrsone i koné pi ousa i lé sirtou si i fé noir épi si l lo tan lé an bèlzobok mèm. Mé kozman la sé in provèrb sa é kosa li donn anou konm leson pou la vi. Mi pans i vé dir anou, sinploman, alon pa kontant anou avèk lo malèr i ariv in n’ot, pars sa i pé ariv anou galman. Alé ! Mi lèss azot rofléshi la dsi é ni artrouv plid’van. Sipétadyé.