Mésyé, Médam, La sosyété, koz èk moins é koz èk in kouyon. Mi koné d’moun la koup in bonpé pyé d’boi dann zot vi pars zot métyé sé d’koup pyé d’boi, pou fé plansh sansa pou fé sharbon. Sorman moin la konète osi demoun la plant pyé d’boi dann zot vi é sa sé in n’afèr bien sanm pou moin pars pyé d’boi i abate in pé la shalèr, i atak la séshrèss, épi i amélyor lo klima a l’èr d’ozordi sé sak lé bien nésésèr pou nou.L’èrla mi pans Paul Vergès la fé plant plis in milyon d’pyé d’boi é sa lé bien sirtou dann l’ouèst, lndroi i mank in pé la vézétasyon. Dopi tan-la moin la antann parklé bann gran péi kon m La chine épi l’Ind konm bann péi l’afrik sibsaaryène i plant par kilomète pyé d’boi pou vanj kont l’éfé d’sèr. Alé ! mi kit e azot rofléshi la dsi é ni artrouv pli d’van. Sipétadyé !