Oté

« Sak la pou arivé i ariv, mé pli inportan la fason ou i pran ali »

In kozman pou la rout

Justin / 27 désanm 2018

JPEG - 43.6 ko

Dann nout sosyété zot va trouv in bann mésyé Tanmyé, mé soman zot va trouv galman in bann mésyé Tanpi : in nafèr i ariv Tanmyé é li lé kontan, sansa li pran konm l’arivé. Mèm zafèr i ariv Tanpi, é ni pé di lo syèl la konm tonm dsi son tète. Soi ou néna lo kèr éré, soi ou néna lo kèr maléré. Inn konm l’ot sé pou tout in vi pars lé pa si fasil ké sa pou shanj out poinn vizé dsi la vi. A moins ké ou i nyabou shanj aou san pou san. Sé pou sa bann saz i di kozman konm sak moin la mark an-o la, é mi pans sa i mérite in bon réfléksyon. Donk mi kite azot rofléshi in pé ni artrouv pli d’van. Sipétadyé !