Oté

Sak lé dann out tète la pa dann out pyé

In kozman pou la rout

Justin / 1 zwin 2018

JPEG - 43.6 ko

Ala in kozman mi antann tazantan é pou dir azot ala in kozman mi aprésyé. Pou kosa ? Pars si ou i pran lo pyé, li lé bien loin lo sant désizyon, li atann mèm la tète i komann ali. La tète, si mi tronp, sé lo sant désizyon par li mèm-in zanr post pilotaz lé bien nésésèr si ou i vé fé tout sak ou fé, kalkil koman ou i fé sak ou i fé, réparti lo karbiran pou fé fonksyone tout bann pti motèr lé nésésèr pou la vi, pou l’aksyon épi osi pou lo ropo. Donk si ou i vé pans in n’afèr, kalkil in moiyin pou amenn ali konm k’i fo, i vo myé ou lé dann la tèteplito ké dann lé zanm. Sé pou sa si ou i vé vréman in n’afèr, i vo myé lé dann out tète pars si lé dann out tète, ou i gingn okip ali bien konm k’i fo. Alé ! Mi kite azot rofléshi la dsi é ni artrouv pli d’van. Sipétadyé !