Mésyé, Médam, la sosyété, mwin la fine anparl azot kozman-la, mé mi koné pa pou koué égzaktoman mi pans li pé rann azot sèrvis-boudikont sak va lir kozman-la. Zot i koné, dan la vi, i ariv aou toutsort zafèr : in pé sé bon zafèr, in pé sé mové zafèr, in pé sé zafèr ordinèr. Dsi bann bon zafèr ni pass blanko .Dsi bann tro mové zafèr mi évite an parlé, mèm si mi pans solon la manyèr wi pran ali, ou i pé koulé konm pa. Astèr dsi ,bann zafèr la vi tou lé zour : pou in pé sa i gate zot sézour dsi la tèr .D’ot i fé konm lo dsi fèye sonz é sète band-la i ansort ali pli myé. Dann la lang fransé i di : « wi rolativiz » .Mé la pa toulmoun i pé fèr sa : la pa in késtyonn Qi, la pa in késtyonn diplôme, la pa non pli in késtyon pozisyon sosyal. Néna pti kolon i ansort azot bien : zot i gingn lo kou, zot i ankèss lo kou, épi zot i arlèv la tète. Mi vé rakont azot listoir madam Koutini.. Mé sar pou domin si mi obliy pa. An atandan mi kite azot rofléshi la dsi é i artrouv pli d’van.Sipétadyé.