Oté

« Sak lé pa bon pou zoi, lé pa bon pou kanar non pli »

In kozman pou la rout

Justin / 10 octob 2018

JPEG - 43.6 ko

Zot i koné sirman kozman-la, sansa zot i koné sète i di konmsa : « Sak lé bon pou zoi lé bon pou kanar galman. ». Mi koné pa si i vé dir lo mèm zafèr pou vréman mé an touléka néna, konm k’i diré, in l’èr d’famiy, soman vi k’nou la pran lo manyèr nou la ékrir an-o la, alon anparl ali, é si ni doi anparl l’ot nou va oir apré. Mé, a bie kalkilé, la pa bézoin ou lé bien instruyé pou konprann in n’afèr konmsa . Pou moin, sa i vé dir sinploman : alé pa fé in n’ot sak ou i yèmré pa i fé aou. Alé ! Moin lé sir zot néna do koi rofléshi la dsi dann z’ot prop vi épi dann la vi demoun zot i koné. Donk, mi lèss azot rofléshi la dsi é ni artrouv pli d’van. Sipétadyé !