Mézami mwin lé sirésèrtin zot i koné d’moune i shanj d’avi shak instan. Kan i di i sa fé tèl shoz i fé in n’ote. Kan i di zamé d’la vi m’a… Tarde pa la fine shanj d’avi. Mé néna d’ote, inn foi zot la fine bien kalkilé, zot i shanj pa lopinylon : pou zot blan sé blan, noir sé noir, rouz sé rouz.

Si mwin néna pou shoizi mi profèr in moune i shanj pa d’avi shak instan. Dann la kiltir franssèz i diré demoune konmsa lé konm zirouète, zoizo an tol i mète dsi lo toi pou oir lo sanss lo van. Mé l’avé in politissien téi apèl Edgard Faure é li téi di : « La pa la zirouète k’i tourn sé lo van ! »

Mézami mi kite azot rofléshir dsi in kozman konmsa é ni rotrouv pli d’van, sipétadyé.

Justin