Médam, Méssyé, la sosyété koz èk mwin sé koz èk in kouyon, mé sé o pyé d’lo mir k’i oi lo masson. Mézami,zot i koné l’ot kozman k’i di konmsa : si ou néna larzan la bank i prète aou larzan si ou lé o ki li lé pa la èk ou. Komèrs sé pou ramass bénéfiss é la bank i fé komèrs larzan donk li éspèr pliss an rotour par rapor sak li la prété ; konbien foi moin la antann bann moun i travaye la bank-antansyon ! Rant zot zot i apèl azot bankyé- apré di : " Nou la pa in lorganis bienfézans ! " é lé vré lklé vré i n n’afèr konmsa.Mwin na in kamarade téi di souvan : " La bank ? Out larzan la pa ou ".Toussa pou dir nou la bézoin la bank, mé konfonn pa li avèk out kamarad. Alé ! Mi kite azot éstèr é ni artrouv pli d’van ;rofléshi bien sak mwin la di é ni rotrouv. Sipétadyé.