Oté

« Sak ou i koné pa lé défoi pli valab ké sak ou i koné » 

In kozman pou la rout

Justin / 2 novanm 2018

JPEG - 43.6 ko

Koméla néna poin pèrsone i pé dir li koné tout zafèr. Lé vré néna bann mésyé zansa madam « je sé tou » mé i fo dir la plipar d’tan zot lé pli bète ké la line lé ron afors zot lé prétansyé. Zot i koné in n’afèr : i paré dopi in santène d’ané la konésans imène i doub shak foi dizan i pass. L’èrla, ni pé dir la kours pou demoun konète i trap pa sak l’imanité i koné. Arzout èk sa ou i pé z’ète éspésyalis dann in sort konésans épi nil dann in n’ot konésans... Kozman moin la mark an-o la i vé dir sinploman dabor ou i pé pa konète tout, épizapré néna dé shoz valab ké ou i koné pa. Alé ! Mi kita azot rofléshi la dsi é ni artrouv pli d’van. Sipétadyé !