Zordi, “Moumous’” i atéri térin Zilo. In gran zour, non sèlman pou li é son famiy, mé osi pou nout toute Rénioné.
“Moumous’”, ni souète aou in bon byinveni dann out péi !
Byinsir, ou la pa in védète koni ou in shantèr la mod. Ankor moins’ in lésportif anlèr.
Lé mèm pa sir sa, “Moumous’” la - sa out ti non gaté - ou la aksèpté. Banna la done aou sa dann la Creuse, laba dann finfon la Frans.
Parlfèt, ou na poin tro gran shoz, sinon out listoir !
In listoir dramatik. La fali pré d’karantan pouk, anfin, ou aprann ou lavé in famiy isi.
Pré d’karantan dopi lo zour - ou lété pti marmay - la bosh aou komm in volèr é la ékspédi aou an Frans, pou soidizan repèp péi la fré.
Évidaman, san domann pèrsone son lavi.
Sa, sé out listoir “Moumous’”. É sé la not osi...!

Justin