Zot i konél’am in moun sa sé in n’afèr inportan. Si tèlman inportan ké ni sava fé dir la mès, sansa fé sanblani, sans ankor drèss sèrvis kabaré pou lo ropo l’am in moun. Pars, ni vé sirtou pa déranj in l’am pars inn foi ké li lé déranjé, lé difisil ralmas ali. Alor kan i parl in mor ; i anparl an réspé : i di lo pov défin, é si ou la anvi roil in krétik dsi li, ou i komans par domann pardon épizapré ou i di sak moin la mark anlèr-la : in prékosyon lé zamé initil.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir, ké, rant-rant, ni pé z’ète, tazantan dakor rantre nou.