Médam zé méssyé, la sossyété koz èk mwin sé koz èk in kouyon, mé sé o pyé d’lo mir k’i oi lo masson.

Mézami mor osinonsa vivan néna d’moune i yèm malparlé.Mé lé pli fassil malparl in vivan ké malparl in mor.In mor sa néna kékshoz majik, késhoz k’i fé ké ou la in pé pèr ali .Biensir wi pé dir néna dann bande vivan pliss mové moune ké shé bande mor-wi di, mé sépa si wi kroi pou vréman ?Sépousa wi prabn la prékossion d’ète poli.

Mi rapèl étan pti bande vyé moune téi di , kan lo kor i pass, tir oute shapo, pars si wi fé pa li lé riskab vnir ravaze aou la nuite . Si tèlman ké nou téi tir nout béré kan in kor i pass, mèm kan in ponp finèb i pass. Lé vré ou la pèr lé shoz wi konpran pa é lo mor, sansa la mor ,sa sé d’zafèr wi konpran pa.Donk wi pran prékossion !
Alé ! mi kite azot rofléshi la dsi é ni artrouv pli d’van. sipétadyé