Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, kozman mwin la marke an-o la, mi trouv sa drol pou vréman pars sé zistoman kan wi koupe la konverssassion kissoi in moune l’apré parlé é wi intéronpe ali, kissoi plizyèr pèrsone l’apré koz rantre zot é wi rante dann lo kozman. Donk san koupe la konvèrssassion s ai vé dir zistoman lo kontrèr.

Astèr néna konm i di in linterdi sé kan marmaye i koupe la konvèrssassion bann gran moune é sa lé konm in sign movèz édikassion… Dizon sa konmsa é alon dir vite, pars la sossyété i bouz bonpé é bann marmaye i dépass tazantan bann gramoune an konéssanss,mèm an sazèss é pou mon par lo shanjman sé kékshoz mi apréssyé.

Alé ! Mi kite azot rofléshir la dsi é ni retrouv pli dvan, sipétadyé.