Oté

« San parol, san diskour mé inn solman lé vré »

In kozman pou la rout

Justin / 19 avril 2018

JPEG - 43.6 ko

Mi koné pa si zot lé konm moin, mé kant in moun i koz moin lé toultan apré domandé dann mon kèr kosa lé vré é kosa lé pa vré. Pars souvan dé foi lé dir pou sépar lo vré avèk lo fo. Avèk Pinokyo lé fasil pou konète : son né i alonz kan li manti. Lé vré galman avèk d’ot moun, kan i rouzi konm pom d’amour. Dann mon famiy l’avé pou abitid dir in moun la droit sé in mantèr pars lé vré banna i manyé la mansonjri konm in bann vré lékspèr. Poitan kalkil mantèr la pa in n’afèr a fèr é anplis lé difisil rakont lo mèm mansonz toultan é si i débisk aou, é si ou i tonm dsi in moun néna bone mémoir - La ont mi di azot. Alé ! Mi kite azot rofléshi la dsi é ni artrouv pli d’van. Sipétadyé !