Mézami, mi pans zot la fine rogarde mang atèr sirtou ké koméla li rèss atèr é li pouri mèm atèr, sirman pars demoune lé krintif la maladi lo ra. Avan téi kass pa la tète pou sa, é mèm si lo ra té fine manz in boute, marmaye téi manz sak i rèst. Koméla fé pi sa ! léptospiroz i ménass partou.

Mé nou lé pa apré parl tousala, sinploman ni parl demoune san prékossion. Lé vré néna dé kou prékossion lé in pé ridikil konm kan li éssuiye son fèss avan kaka. Mé souvan défoi li lé bien itil konm kan wi prépar l’avnir, sansa wi prézèrv aou d’in maladi, sansa ankor wi ranfors lantouraz poulayé pou évite lo shien tyé oute volaye.

Mi arète la, mé mi invite azot bien rofléshi sète afèr la, é ni artrouv pli d’van. Sipétadyé.

Justin