Zot i koné, na in pé syantifik na dis-vin-tan d’sa té i kroi pa sanzman klimatik. Par égzanp, lo nivo d’la mèr i mont, i mont sak ané in pé pli o ; a koz ? Pars sèrtin plak kontinantal i glis sou plak oséanik. An Guyane, si la plak amérikèn i avans dé-troi santimèt tou lé zan konm in tapi sou loséan (plak karaïb), li anmèn ék li lo falèz, lo mir, lo kour, lo kaz, vag i tap dan ton garaz, alor ke kan toué lavé konstrui, toué lété loin d’la mèr !
Mèm lil de Ré an Frans, ou i pé pans dériv bann plak i port lo kontinan, nou la fine voir zil anfonsé sou la mèr ! Mèm si i fo mil an !
Mé dépi ni ginye mézir la vitès lo van, la kantité la pli, ni koné nout siklone 1932 té pa konm sak 1948, pa konm Djeni en 1961 (volkan la byin koulé), pa konm Firinga non pli !
Na in moi d’sa, Filipine, talèr 400 kilomètrèr !? Dan nout mémwar (dé-troi zénérasyon), la zamé vi zafèr konm sa !
I di a ou la ravaz konm tsounami, radmaré dizon… Fé atansyon a nou… mi sort rogard sintir do fé pasifik, i a montr a ou kalité volkan bayoun, lé normal bann zamérindyin i pans a li konm si li té in Bondyé. Li done la bone tèr po kiltivé, mé respèkt a li, an ka li éksploz in kou ! Parey bor la mèr, li lé là, li done a toué poison, vèy si la poin in nafèr bizar, i ariv in gran vag loin loin, sa in tsounami ! Sov a toué, mont dan la pant o moin 30 mèt laltitid, konm sa la mèr i anport pa toué…
Plis grogro la pli èk lo van tro for, vèy nout sékirité, sak nout zanfan, sa sanzman klimatik, anon fé atansyon d’sa !

 Justin