« Oté Sarko twé la roul anou, ton mové kozman trèn anou dan la bou », nou pouré santé. Ziskakan twé va roul anou dann la bou, Sarko. Zordi, n’i apran ou la di « Wi, mi prézant amoin ».
Ou doi konèt, nana in takon i vé pa voir aou dann Lélizé. La pa asé ou koz kaloubadia dann la sité. La pa asé ou la gonn la pèr. La pa asé ou la po koz vantar. Ou voi aou déza prézidan La Frans. Afèr ou vé èt lo roi ?

Nou sar pa dir tout nout romontranss. Nou sar kozé nout tout. Po bann san-papié, po bann noir, bann salté ou vé apropté kout karshèr. Nétoiy odrémié out kozman, apropt ali plito. Là, ou vé fé la riptir. Kosa ou sar vréman sanzé. Tout out bann lé parèy...

Oté, nou sar dir non. Non po la droit kaviar, non po la droit kaniar, non po l’UMP volèr, mantèr, épisa bézèr-d tièr. N’i vé in nasion san rasism. É Dié i koné tout out saroyaz delo.
Ousansa akoz pa Lalians dann Lélizé, mi di komsa. Mèt plito Polo dann palé là, nou nora omoin lavnir po bann zanfan Outre-Tèr.

Justin