(page 16)

Lanons’ la veni Nicolas Sarkozy La Rénion la plonz bann rèsponsab l’UMP-la Relèv dann in bèl lanbara. Dann loptik prézidansièl 2007, zot sra oblizé abate zot karte plito k’prévi. Or ni koné la pa kouraz i touf azot !

Dikou, le programe Sarkozy pandan son dé zour isi lé préparé dann le pli gran sekré. Mé, dofis’, le dépité-mèr Saint-Denis la été bordé. Banna i apèl Victoria : “le pti raportèr Lélizé”. La konfians’ i règn ! !

Parkont, si na ènn lé o zanz, sé Jean-Claude Fruteau. Nicolas i défann le “oui” konm li. É, èk inpé la shans’, zot dé i pé artrouv azot ansanm é an zimaz si la “une” in magazine lokal. “Sarkoteau é Fruteauzy” i vo bien in “Sarkoland é Hollandzy”, non ? ! ! !

Justin