"Sat nana, na pou gaté ; sat na poin, na poin di tou". Françoise Guimbert i sant. Kan moin té véy lo nouvo magazine RFO, romans la té arèt pa kriyé dann mon tét. Solman mi pé pa dir moin té koné pa. Lo zour avan, Huguette Bello té trinn di komansa lé difisil pou domoun trouv in toi.

Toulézour nout zournal i dénons lo minm zafèr. Toulézour dopi plizièr zané.
Epi na pa rienk zournal é, défoi, radio-télé i amont anou sa. Nou minm si ni rouv in pé nout kanèt nou pé oir koman la vi lé malizé pou domoun zordi. Dé troi i di le pli dir ankor. Lé vré dann tan lontan navé ankor inn manièr viv ansanm.
Zordi ni roul an loto, ni oi pi sat i rés par anba kanal. Ni bav dovan sat nana - kom nou la fine di - mé ni gard pi sat na pi rien. Ni oi pi li. Li la fine perd la bann. Kan la sosiété na pi la plas pou in moun, komsi li la fine disparét. Mé li lé là, bien là. Koté d’où, koté d’moin. Véy in kou. La pa di domin ésdééf-là la pa

Zistin